गुरोळी येथील अंगणवाडीत वेलकम मेळाव्याचे आयोजन
🔳 पुरंदर प्रतिनिधी 🔳 दि.२६ :
शासनाच्या नवचेतना व आधारशिला कार्यक्रमांतर्गत
वेलकम मेळाव्यांमुळे बालकांच्या शारीरिक, मानसिक व भावनिक विकास होईल अशी प्रतिपादन पुरंदर तालुका एकात्मिक बाल विकास प्रकल्प अधिकारी अनिल कांबळे यांनी केले.
माळशिरस (ता. पुरंदर) बीटातील अंगणवाडी क्रमांक ६ गुरोळी व अंगणवाडी क्रमांक ७ लालवाडी येथे नवचेतना व आधारशिला कार्यक्रमांतर्गत वेलकम मेळावाचे आयोजन करण्यात आले होते. यावेळी उद्घाटन प्रसंगी सर्व अंगणवाडी सेविका, बालकांच्या मातांना मार्गदर्शन करताना श्री. अनिल कांबळे बोलत होते.
यावेळी गुरोळी व लालवाडीतील मान्यवर ग्रामस्थ, माळशिरस बीटच्या पर्यवेक्षिका सौ. अरुणा दत्तात्रय खेडेकर, सर्व अंगणवाडी सेविका, मदतनीस, अंगणवाडीतील बालकांच्या माता उपस्थित होत्या.
(फोटो – गुरोळी (ता. पुरंदर) येथे वेलकम मेळाव्याच्या उद्घाटन प्रसंगी अनिल कांबळे,माया खेडेकर,अरुणा खेडेकर,वंदना खेडेकर ,विमल माकर, ज्योती वाघमारे व इतर)
कार्यक्रमाचे नियोजन अंगणवाडी सेविका सौ. वंदना बापूसाहेब खेडेकर सौ. माया पांडुरंग खेडेकर व मदतनीस विमल सोपान माकर सौ. ज्योती दत्तात्रय वाघमारे यांनी केले.
सदर कार्यक्रमात विविध पाककृतीचे प्रदर्शन भरविण्यात आले होते. अंगणवाडी सेविकांनी वेलकम मेळाव्यामध्ये बालकांच्या शारीरिक, मानसिक व भावनिक विकासासाठी विविध स्टॉल लावून त्याच्या माध्यमातून पालकांना प्रत्यक्ष प्रात्यक्षिक दाखवून माहिती दिली.
बालकांच्या जन्मपूर्व ते ३ वर्ष, तसेच ३ वर्ष ते ६ वर्षाच्या मुलांच्या सर्वांगीण विकासासाठी तसेच माता पालक, ग्रामस्थ व समुदाय, अंगणवाडी व प्राथमिक शाळा यांच्या संयुक्त समन्वयाने नवचेतना आणि आधारशीला उपक्रम राबवण्यात आला.
कार्यक्रमाचे प्रास्ताविक पर्यवेक्षिका सौ. अरुणा दत्तात्रय खेडेकर यांनी केले. सूत्रसंचालन सौ. माया पांडुरंग खेडेकर यांनी केले. आभार सौ. वंदना बापूसाहेब खेडेकर यांनी मानले.