सिंधुदुर्ग स्थानिक गुन्हे अन्वेषण शाखेची धडाकेबाज कारवाई

🔳 सिंधुदुर्ग प्रतिनिधी 🔳 दि. ०४: (उमेश शेटये) :

  पोलीस सूत्रांकडून मिळालेल्या माहितीनुसार सिंधुदुर्गनगरी पोलीस ठाण्याच्या हद्दीत दि.03 जुलै 2026 रोजी 19:30 वाजण्याच्या सुमारास ओरोस खर्येवाडी खालसा पंजाबी ढाबा येथे गोवा कडून मुंबईकडे जाणाऱ्या महामार्गावर ही कारवाई करण्यात आली.
   सदर कारवाई मध्ये आरोपी गोपाळ राजाराम गवस. वय वर्ष 34, रा.दापोली अन्नपूर्णावाडी ता.सावंतवाडी, शिरीष सुभाष गवळी. वय वर्ष 35 रा.माठेवाडा सावंतवाडी व सिद्धेश सुभाष केसरकर  वय वर्ष 34 आळेवाडी बांदा सावंतवाडी,  यांच्यावर अन्नसुरक्षा व मानके कायदा सन 2006 चे कलम 26 (2),7 (3) (d), 27 (3)(इ), 30 (2) (ए), 59 तसेच भारतीय न्यायसंहिता सन 2023 चे कलम 123, 223, 274, 275, 3(५) अन्वये कायदेशीर कारवाई केली आहे.
  सदर कारवाई मध्ये आरोपी यांच्याकडून 30,13,450/- ( तीन लाख तेरा हजार चारशे पन्नास रुपये) किंमतीचा एकूण मुद्देमाल पोलिसयांनी हस्तगत केला असून, त्यामध्ये 21,63,450/- ( एकवीस लाख त्रेसष्ठ हजार चारशे पन्नास रुपये) किमतीचा गुटखा व सुगंधी तंबाखूजन्य पदार्थ व अशोक लेलँड बडा दोस्त 8,50,000/- (आठ लाख पन्नास हजार रुपये) किंमतीची वाहतुक करणारी गाडी जप्त केली आहे.
 सदरची कारवाई मा.श्री.मोहन दहीकर, अधीक्षक सिंधुदुर्ग मा. कु. नयोमी साटम, अप्पर पोलीस अधीक्षक सिंधुदुर्ग यांच्या सूचनेनुसार पोलिस निरीक्षक श्री. प्रविण कोल्हे यांच्या मार्गदर्शनाखाली पोलीस उपनिरीक्षक हनुमंत भोसले, सहाय्यक पोलीस उपनिरीक्षक सुरेश राठोड, पोलीस हेेडकॉन्स्टेबल विल्सन डिसोझा, आशिष जयकर , पोलीस कॉन्स्टेबल महेश्वर समजीसकर, ऋषिकेश टोपले यांनी केली असून सिंधुदुर्ग पोलिस ठाणे येथे गुन्हा दाखल करण्यात आला आहे. या गुन्ह्य़ाचा अधिक तपास पोलीस करीत आहेत.