मुंबई प्रतिनिधी : दि.२९ जून: (सुरेश गायकवाड):
मुंबई मराठी पत्रकार संघाच्या २०२६-२०२८ झालेल्या व्दैवार्षिक निवडणुकीतील विजयी परिवर्तन पैनलचे उमेदवार संदीप चव्हाण व स्वाती घोसाळकर यांचा पत्रकारांच्यावतीने सत्कार करण्यात आला.
‘पत्रकारांसह पत्रकार संघाचा विकास हाच ध्यास’ या धेय्याने मुंबई मराठी पत्रकार संघाच्या २०२६-२०२८ झालेल्या व्दैवार्षिक निवडणूकीत परिवर्तन पैनलच्या उमेदवारांनी निर्भिड पैनलच्या उमेदवारांचा पराभव करून निवडणूक जिंंकली.
त्या पॅनलचे विजयी उमेदवार संदीप चव्हाण, स्वाती घोसाळकर यांचा पुष्पगुच्छ, शाल देऊन सत्कार करण्यात आला. त्याच बरोबर विजयी उमेदवारांना स्वामी समर्थांची प्रतिमा भेट देण्यात आली. तसेच त्यानंतर उपस्थितांसह त्यांचे पेढे भरवून पुढील वाटचालीस शुभेच्छा देण्यात आल्या.
यावेळी पत्रकार अरविंद बनसोडे, सुरेश गायकवाड, सत्तशील मेश्राम, नेहा गायकवाड, अजित मोहिते, विजय गायकवाड, वरिष्ठ पत्रकार संतोष माळकर, सुहास जोशी आदी उपस्थित होते.