🔳 पिंपरी चिंचवड प्रतिनिधी 🔳 दि.१८:
पर्णकुटी सामाजिक सेवा संस्थेच्या वतीने समाजहित, न्यायव्यवस्था व सामाजिक क्षेत्रात उल्लेखनीय कार्य करणाऱ्या मान्यवरांचा गौरव समारंभ उत्साहात संपन्न झाला.
यावेळी ॲड. विशाल डोंगरे, ॲड. प्रदीप आवटी, समाजसेवक सचिन कदम, नगरसेवक दिनेश यादव, सामाजिक कार्यकर्ते समीर पाचर्णे, डॉ. सरोज अंबिके (मोरया पॅरामेडिकल हेल्थ सायन्स इन्स्टिट्यूट पिंपरी चिंचवड – अध्यक्षा) या मान्यवरांना त्यांच्या उत्कृष्ट कार्याची दखल घेऊन, संस्थेच्या वतीने प्रशस्तिपत्र व सन्मानचिन्ह प्रदान करून गौरविण्यात आले.
सदर पुरस्कार वितरण समारंभात पर्णकुटी सामाजिक सेवा आश्रम संस्थेचे सचिव प्रकाश यादव यांच्या शुभहस्ते मान्यवरांना सन्मानित करण्यात आले. यावेळी उपस्थितांनी गौरवमूर्तींच्या सामाजिक बांधिलकीची व जनसेवेतील योगदानाची प्रशंसा केली.
समाजहितासाठी कार्यरत असलेल्या व्यक्तींचा सन्मान करणे ही संस्थेची परंपरा असून, अशा उपक्रमांमुळे समाजसेवेस अधिक प्रेरणा मिळत असल्याचे मत यावेळी व्यक्त करण्यात आले.
कार्यक्रमाच्या शेवटी उपस्थित मान्यवर, सदस्य व नागरिकांचे संस्थेच्या वतीने सचिव श्री प्रकाश यादव यांनी आभार मानले.
